2018 - Год малой радзімы - ЦДАДзіМ «Маяк» г. Мінска

2018 - Год малой радзімы

Годам малой радзімы абвешчаны 2018 год. Аб гэтым Прэзідэнт Рэспублікі Беларусь Аляксандр Лукашэнка заявіў 9 лютага на ўрачыстай цырымоніі ўручэння дзяржаўных узнагарод лепшым работнікам аграрнай галіны рэспублікі.

Кіраўнік дзяржавы растлумачыў, што на прыняцце такога важнага рашэння падштурхнулі разважанні пра важнасць малой радзімы ў лёсе кожнага чалавека. "Яна шматаблічная. Для адных гэта родны горад, вуліца ў горадзе або невялікі дворык, вёска, дзе прайшлі лепшыя дзіцячыя гады, для іншых - кавалачак дзікай прыроды, які цешыў вока і дарыў пачуццё напоўненасці і спакою. А для тых, хто з'ехаў шукаць шчасце у іншыя краіны, малой радзімай стала Беларусь", - адзначыў Аляксандр Лукашэнка.

Прэзідэнт падкрэсліў, што прыйшоў час кожнаму не толькі ўспомніць пра свае карані, пра месца, дзе засталася часцінка душы, але і аддаць доўг гэтаму камяку зямлі. "Вельмі хочацца, каб дапамога ішла ад сэрца, стала уласнай ініцыятывай. Яна можа быць матэрыяльнай, стваральнай, асветніцкай, творчай - хто як можа і хто колькі можа. Залежыць ад магчымасцяў, фантазіі і жадання кожнага. Надышоў момант праявіць сябе і ўпісаць сваё імя у гісторыю гэтай малой радзімы, гэтага кавалачка нашай зямлі ", - заявіў беларускі лідэр.

Аляксандр Лукашэнка канстатаваў, што Беларусь - прыгожая і добраўпарадкаваная краіна з чыстымі ўтульнымі гарадамі, дагледжанымі сельгасугоддзяў, багатай прыродай. "Дзяржава шмат зрабіла ў гэтым кірунку і не спыніцца на дасягнутым. Але ж няма мяжы дасканаласці, і заўсёды знойдзецца дзе прымяніць ўласныя сілы. Беларусь - наш агульны дом, і ў нашых інтарэсах зрабіць яго ўтульным і ўзорным, - сказаў ён. - Давайце пакажам , што мы сапраўдныя і руплівыя гаспадары сваёй зямлі. Нас шмат, і таму нават самы сціплы ўклад кожнага згуляе сваю ролю, зробіць краіну яшчэ больш прыгожым".

Абноўлена: 28.02.2018